Equipo Directivo - IESO Berriozar - Ikasnova

• Ikastetxeko ordezkaritza izatea, bertan Hezkuntza Departamentua ordezkatzea eta azken horri, hezkuntza-komunitatearen planteamenduak, nahiak eta beharrak helaraztea.
• Ikastetxeko jardun guztia zuzentzea eta koordinatzea.
• Zuzendaritza pedagogikoa gauzatzea, hezkuntza-berrikuntza sustatzea eta ikastetxeko hezkuntza-proiektuaren helburuak lortzeko egitasmoak bultzatzea.
• Indarrean diren legeak eta gainontzeko xedapenak betetzen direla bermatzea.
• Ikastetxeko langile guztien buru izatea.
• Ikastetxeko bizikidetza bideratzea, gatazken konponbidean bitartekaritza bermatzea eta dagozkien disziplina-neurriak ikasleei ezartzea, indarrean den araudia betez.
• Ikastetxearen eta ingurunearen arteko harremana errazten duten instituzio zein erakundeekin, eta familiekin elkarlana bultzatzea; eta ikasketa eta ikasleen ezagutzei eta balioei buruzko formakuntza integrala ahalbidetuko duten ekintzen garapena lagunduko duten hezkuntza-giro bat sustatzea.
• Ikastetxeko barne ebaluazioak bultzatzea eta kanpo ebaluazioetan eta irakasleen ebaluazioan elkarlanean aritzea.
• Ekitaldi akademikoak eta Eskola Batzordeko zein irakasleen Klaustroko saioak deitzea eta haien buru izatea eta harturiko akordioak betetzea, bere eskumenen esparruan.
• Obra, zerbitzu eta erosketen kontratazioak egitea, hala nola ikastetxeko aurrekontuaren arabera gastuak baimentzea, ordainketak agintzea eta ikastetxeko dokumentu eta agiri ofizialak ikus-onestea.
• Zuzendaritza taldeko kideen izendatzea eta kargu-ustea Hezkuntza Departamentuari proposatzea, aldez aurretik Klaustroari eta Eskola Batzordeari jakinarazi zaielarik.
• Esperimentazioak, berrikuntza pedagogikoak, hezkuntza-programak, lan-planak, antolatzeko manerak, bizikidetza arauak, eskola-egutegia zabalkuntza eta ikasgai edo esparruen eskola-ordutegia zabalkuntza sustatzea.
• Irakasle taldearen prestakuntza eta formakuntza, hala nola ikastetxean ikerketa, esperimentazioa eta hezkuntza-berrikuntza sustatzea.

• Ikastetxeko Urteko Programazio Orokorrean jasota dagoen ikastetxeko irakaskuntzaren planifikazioa eta antolakuntza diseinatzea.

Hautaketa batzorde batek eginen du. Batzorde horretan egonen dira batetik, Hezkuntza Departamentuko ordezkariak eta bestetik, ehuneko hogeitahamar eta berrogeitahamar arteko proportzioan, dagokion ikastetxearen ordezkariak. Azken hauetan, gutxienez ehuneko berrogeitahamar, aipaturiko ikastetxeko irakasleen Klaustrokoak izanen dira. Hautaketa, izangaiek egiaztatu dituzten merezimendu akademiko eta profesionaletan oinarrituko da.

Hezkuntza Departamentuak, lau urteko eperako, hautaturiko izangaia Institutuko Zuzendari izendatuko du.

Zuzendariak, aldez aurretik Irakasleen Klaustroari eta Eskola Batzordeari jakinarazi dielarik, Institutuan lanpostua duten irakasleen artean, Ikasketa Buru eta Idazkari karguak izendatzeko eta kargu-usteko proposamena eginen dio Hezkuntza Departamentuari.

Zuzendaritza Taldeko kide orok bere eginkizunak utziko dituzte agintaldiaren amaieran edo Zuzendariak bere kargua usten duenean.